حاجه تجنن -- حاجه تجنن

راكــب وســط الخلق يعـــفر *** حـــاجه تجنن حـــاجه تنـــفر
ويقـــولك قــال ايــه زهقــان *** دا انت اللــى تزهـأق وتكــفر
اطفــى سجــارتك. مش هاطفيها *** واللى هيلضم راح يتكسر
اخزى شطــانك. عيــب يا أخينا *** واشرب أربع كله مقــدر
قلــة ذوقــــك تكفــــــى مديـــنه *** لأ وغتــاتــك شــئ متــوفر
============
شــايف زحمه وخلق كتيره *** والنــاس جـوه مواصله أسيــره
لازم برضه تحس وتعرف *** ان سجــارتك حــاجه خطيره
لو زهقـــان قرفــان م الدنيا *** وبتوصفها تقول دى حقيره
سيبها لغيرك هوه الأولى *** هيعيش راضى ولو بحصيره
انمــا تنفـخ سمك فيـها *** دا اللى هيبقى مصيبه كبيــره
============
بص لايــدك شــوف قذارتـــها *** شم اتمتع زفــت ريحتــها
القطــران بيعض ف جــوفك *** بيعضعض صحه اتمنتــها
والنيكــوتيــن بيمــص ف دمـك *** يخنق روحـك ويمــوتها
وانت لا دارى.لأ ولا همك *** لأ ولا عارف ايه خطورتها
بص لـــروحك جــوه مرايا *** واسأل نفسك ايـته أخرتــها
=============
قبل مــا قطــر العمـر يعدى *** وقـف نفسـك.الحق . هــدى
ارمــى سجارتك من بين ايــدك *** فكر حبه وخليــك جدى
فكــر مره ف حظ عيــالك *** ازاى بعدك هيكـــون وردى
فكر حتى ف زهر شبابك *** لو يوم يدبل . ايه راح يجدى
تبقــى حيـاتك زى ممـاتك *** تصبح تايه ف طريـق فردى

جامده جدااااااا وكمان بتناقش موضوع خطير.ربنا يوفقك فى اللى جاى

وفعلا موضوعك الجديد دة جميل جداجدا ويخاطب العقل بأسلوب جميل
وينشدة عدم البقاء على السلبيات الموجودة .ميرســـــــــــــــــــــــــى ليك كتير
وننظر منك المزيد من هذا الشعر الهادف شكرا لك.